إمبارح كان المفروض أخلص من السيناريو
كنت واخد قرار بده فعلاً
لكن أكتشافي لعالم المدونات
وقراري المفاجئ أني اعمل مدونة بلع تقريبًأ نص اليوم
والنص التاني مكنش أكتر من استنزاف
في المعتاد لم بتجيلي فكرة جديدة مش بكتبها علي طول
بالعكس باسفها واحاول أقنع نفسي
انها زي ما بيقولوا غير صالحة للتنفيذ
وده غالبًا لأني أنا اللي اصطادتها
لكن بعد كام يوم ..كام أسبوع
بتفاجئني الفكرة بعد ما بتخيل أني وئدتها
لكن المره دي بتجيلي مشاهد وشوتات
في الأول بكون -أنا- اللي بفكر فيها
بعد كده بشوفها
وطبعاً مينفعش أتجاهل حاجة بشوفها
وآلا أبق أعمي القلب والنظر
فبضطر اقعد و اكتبها
صحيح أنا بعيد بقالي فترة
لكن من زمان متحمستش لسيناريو زي ده
حد قالي أن في فرصة حقيقية أني الاقي تمويل
الفيصل حاليًا أنهم يشوفوا الموضوع زي ما أنا شايفه
بدون أي مزايدة عليه
وطبعًا نسيت أقول أني أمبارح
معملش أي حاجة جديدة في السيناريو
No comments:
Post a Comment